Friday, October 21, 2011

Tula La


Bakit mo ako nakita?
Bakit nakasalubong pa kita?
Ba't pa nakilala?
Ba't nahulog pa sayo sinta?


Bakit binalikan ko pa ang bayong sa pila?
Ba't di nalang nagbihis agad, at umuwi, at nauna?
Ba't naman ginulat mo ang puso kong nagpapahinga?
Bakit naman dumaan ka pa sa puso ko sinta?


Bakit ngayon ay hinahanap hanap na kita?
Bakit di makatulog hanggat di naririnig ang 'yong tawa?
Ba't sa lahat ng oras sa utak ko palakad-lakad ka?
Bakit ngayon, ikaw ang laman ng aking tula?


Madami pang tanong, gusto pa kitang makilala.
Ngunit bakit tila ako'y naduduwag na.
Bakit pakiramdam ko ngayon ay baliktad na?
Puso ko'y hubog sa metal, pero bato balani ka pala.

-CF

No comments:

Post a Comment

Note: Only a member of this blog may post a comment.